கணவன் உயிர் பறிக்கும் பெண் ஜாதகங்கள்

மூலம் அ சூசை பிரகாசம்
2019-06-17 03:38:03

கணவன் உயிர் பறிக்கும் பெண் ஜாதகங்கள்

பெண்ணின் ஜாதகத்தில் லக்கனத்திற்கு 7 ஆம் இடத்தில் செவ்வாய் இருந்து அங்கு ஞாயிறுடன் சேர்கை பெற்றால் அவள் கணவன் திருமணம் ஆன சில நாட்களில் உயிர் நீங்கும்.

மூன்று அசுபர் கோள்கள் பெண்ணின் ஜாதகத்தில் லக்கனத்திற்கு 7 ஆம் இடத்தில் அமையப் பெற்றால் கணவன் உயிர் பறிக்கும் பெண் ஜாதகம்.

பெண்ணின் ஜாதகத்தில் லக்கனத்திற்கு 8 ஆம் இடமான தாலி நிலைத்திருக்கும் இடத்தில் செவ்வாய், காரி (சனி), ராகு, கேது, போன்ற தீய கோள்கள் அமந்திருந்தால் கணவன் மரணிப்பான்.

பெண்ணின் ஜாதகத்தில் லக்கனத்திற்கு 7 ஆம் இடத்தில் காரி (சனி), செவ்வாய் போன்ற அசுபர்கள் இணைந்து இருக்குமேயானால் பெண் தனது இளவயதில் தாலி இழப்பாள்.

பெண்ணின் ஜாதகத்தில் லக்கனத்திற்கு 7 ஆம், 8 ஆம் இடங்கள் கெட்டிருந்தால் பெண் கனவனை விட்டு பிரிந்து வாழ்வாள்.

லக்கினத்தின் இறைவன், 7ஆம் இடத்திற்கு இறைவன் 6, 8 போன்ற மறைவிடத்தில் இருப்பார்களேயானால் கனவனை விட்டு பிரிந்து வாழ்வாள்.

12 ஆம் இடத்தில் ராகு, 6 ஆம் இடத்தில் கேது அமையப் பெற்ற பெண்களுக்கு கனவனை விட்டு பிரிந்து வாழ்வாள்.

7 ஆம் இடத்தில் நீச கோள்கள் இருந்து சுபரால் பார்க்கப்பட்டாலும் திருமணம் முறிந்து போகும்.